Yunanıstandan Türkiyəyə silah və sursat keçirmək istəyən 3 nəfər  saxlanıb.

Bu barədə fevralın 14-də Yunanıstan polisi məlumat yayıb.

Polis onların Britaniya vətəndaşlığı olan etnik kürdlər olduqlarını deyir. Amma hələlik adları çəkilmir.

Onlardan 39 yaşlı birisi nəzarət-buraxılış məntəqəsinin ətrafında yaxalanıb.

Onun üstündə 4 tapanca və 200 mindən çox patron aşkar edilib.

22 və 28 yaşında olan digərləri isə qonuşu şəhərdə saxlanıb.

Onların yükündən isə 18 silah və 27 min patron çıxıb.

Onlara qarşı rəsmi ittiham irəli sürüləcək.