Bakı Ağır Cinayətlər Məhkəməsində 2015-ci ilin 19 mayında Binəqədi rayonunda çoxmərtəbəli binada baş verən yanğına səbəb olmaqda təqsirli bilinən şəxslərin cinayət işi üzrə məhkəmə prosesində açılan bəzi faktlar hazırda vəzifədə olan, ancaq müəyyən yollarla həbsdən yayınan məmurları səksəkədə saxlayır.

Həmin məmurlardan biri də Binəqədi rayonunun icra başçısı Xaləddin İsgənədərov.

Yanan binanın üzlənməsini həyata keçirən “Global Construction” MMC-nin təsisçisi Miryusif Mahmudov və onun vəkili artıq bir neçə məmuru hədəfə gətirəcək anonslar verirlər.

Son prosesdə isə onlar ləğv edilən MTN-lə yanaşı, binanın üzlənməsinin sifarişini verən Binəqədi rayon icra hakimiyyətinin başçısını da “nişangah”a gətiriblər.

Vəkil konkret olaraq bildirib ki, sifarişçı icra qurumudur, həmin üzlüklərə isə müsbət rəyi FHN-nin müvafiq idarələri veriblər.

Bununla yanaşı, şirkət prezidenti yanğın baş verən bina ilə yanaşı, Binəqədi rayonu ərazisində yerləşən bir neçə binanın üzlənməsinə görə şirkətə ödənilməli olan 22 milyon manatı da icra başçısı Xaləddin İsgəndərovun vermədiyini söyləyib.

22 milyon manatlıq əməliyyat gec-tez X.İsgəndərova ciddi problemlər yaradacaq. Həmin pullar onu səksəkədə saxlayan ciddi faktlardan biridir.