Rusiya hakimiyyətinin prezident Vladimir Putin-ə sui-qəsd cəhdində təqsirləndirdiyi çeçen qızı Amina Okuyeva Kiyevdə güllələnərək  öldürülüb.

Adam Osmayev deyir ki, həyat yoldaşı Amina Okuyeva ilə birlikdə oktyabrın 30-da Ukrayna paytaxtının kənarında avtomobildə gedirmişlər, bir maşın onların arxasınca düşüb.

Maşına atəş açılıb və güllə Okuyeva-nın başından dəyib,

Hücumda yaralanmış Osmayev bildirib ki, məqsəd onların ikisini də öldürmək olub. O,  hücumun arxasında Rusiyanı ittiham edib.

Ukrayna Daxili İşlər Nazirliyinin müşaviri Anton Herashchenko daha öncə bildirmişdi ki, çeçenlərin olduğu maşın dəmiryol xəttini keçəndə gülləboran edilib, Amina Okuyeva ölüb, həyat yoldaşı yaralanıb.

Hromadske televiziyası Ukrayna polisin hücumu təsdiqlədiyini bildirib.

Daxili İşlər Nazirliyinin sözçüsü Yaroslav Trakalo Rusiyanın Interfax-Ukraine xəbər agentliyinə bildirib ki, təhqiqatçılar terror deyil, “planlaşdırılmış qətl” maddəsi üzrə cinayət işi açacaqlar.

Amina Osmayev iyunda Kiyevdə sui-qəsd cəhdindən yayına bilmişdi, o, avtomobilinin içində yaralanmışdı. Həyat yoldaşı cavab atəşi açaraq  cinayətkar killeri yaralamışdı.